Xəbərlər
Müəllimlərin maaşı 10 faiz artdı
Azərbaycanda dövlət ümumi təhsil müəssisələrində çalışan, diaqnostik qiymətləndirilməsi aparılmış müəllimlərin, direktor və direktor müavinlərinin, habelə gənclərin çağırışaqədərki hazırlıq rəhbərlərinin aylıq vəzifə maaşları 10 faiz artırılıb.
Bununla bağlı bu gün, fevralın 23-də Prezident İlham Əliyev sərəncam verib.
Artım fevralın 1-dən tətbiq ediləcək.
Prezidentin başqa bir sərəncamı ilə həmin tarixdən eyni miqdarda və eyni formada artım peşə məktəblərində çalışanlara da şamil ediləcək.
Azərbaycanda müəllimlərin diaqnostik qiymətləndirilməsinə 2014-cü ildən başlanılıb. Orada müəllimlərin bilik və bacarıqları dəyərləndirilir.
