Cəmiyyət
Mühacirin Bakıda saxlandığı deyilir
İllərdir Almaniyada yaşayan keçmiş deputatlığa namizəd və İctimai Palatanın üzvü Yeganə Əmiraslanovanı Azərbaycan paytaxtı Bakıda hüquq mühafizə orqanlarının saxladığı deyilir.
Bu barədə “Turan ” İnformasiya Agentliyinə məlumat verən Y.Əmiraslanovanın yaxınları bildirib ki, o, dünən iyulun 29-da Almaniyadan Bakıya gələrkən Heydər Əliyev adına hava limanında saxlanıb. Yaxınları əlavə edib ki, Yeganə Əmiraslanova Almaniya vətəndaşıdır.
Hazırda yaxınları Y.Əmiraslanovanın harada olduğunu bilmirlər.
Məsələ ilə bağlı Azərbaycan Daxili İşlər Nazirliyi və Baş Prokurorluğundan münasibət öyrənmək, hələlik, mümkün olmayıb.
“24 saat” “Mühacirin Bakıda saxlandığı deyilir ” başlıqlı yazını “Azadlıq Radiosu”na istinadən dərc edib.