“Müxalifətin birləşməkdən başqa yolu yoxdur”
Sərdar Cəlaloğlu: “Heç bir müxalif partiyada hakimiyyəti təkbaşına əvəzləyəcək güc yoxdur”
Son günlər ölkə gündəmində ən çox müzakirə edilən məsələlərdən biri müxalif partiyaların birləşməsi zərurəti ilə bağlıdır. Maraqlıdır, bu zərurət yaxın gələcəkdə reallığa çevrilə birləmi?
24saat.org-a açıqlama verən ADP sədri Sərdar Cəlaloğlu müxalifətin birləşməkdən başqa yolunun olmadığını vurğuladı:
“Əgər müxalifət həqiqətən də ölkədə gedən ictimai-siyasi proseslərə təsir etmək və hakimiyyət məsələsini həll etmək, habelə, demokratiyanın bərqərar olmasına nail olmaq istyirsə, o zaman birləşməlidir. Bu hədəflərə nail olmaq üçün birləşməkdən başqa bir yol yoxdur.
Azərbaycan müxalifətini təmsil edən heç bir qüvvədə hakimiyyəti təkbaşına əvəzləyəcək güc və potensial yoxdur. Yalnız bütünlükdə müxalifət vahid bir ittifaq şəklində indiki hakimiyyəti əvəz edə bilər. Hətta başqa gücləri də bura əlavə etmək lazım gələcək”.
Seymur Əliyev
