“Müxalifətin yaratdığı koalisiyalara soyuq baxıram”
Mehman Əliyev: “Vətəndaşların özlərinin fəal olmasına çalışmaq lazımdır”
Ölkədə sosial-iqtisadi durumun ağırlaşması müxalifətin birliyi məsələsini aktuallaşdırmaqdadır. Hətta bəzi siyasilər iddia edir ki, indiki şrəaitdə müxalifətin birləşməsi əvvəlki dönmlərlə müqayisədə daha vacibdir.
Maraqlıdır, hazırkı vəziyyət müxalifətin birliyini diktə edirmi? Bu birlik nə dərəcədə əhəmiyyətlidir?
Moderator.az-a açıqlama verən “Turan” İnformasiya Agentliyinin rəhbəri Mehman Əliyev müxalifətin yaratdığı koalisiyalara soyuq yanaşdığını vurğuladı:
“Müxalifətin gah birləşməsi, gah da uzaqlaşması prosesi Azərbaycanda ənənəvi olaraq gedir. Müxalifət arasında ittifaqların yaranması və dağılması prosesinə soyuq baxıram. Mən belə koalisiyalara inanmıram. Çalışmaq lazımdır ki, insanlar özləri-öz haqlarını tələb etsinlər. Özləri fəal olsular. Bu gün bunun üzərində daha çox işləmək lazımdır. Bu, müxaliftin birliyindən daha ümidvericidir”.