ÖLKƏ
Nərimanov rayonunda 4 küçə bağlandı
Nərimanov rayonunda 4 küçə – Arif Heydərov, Vladimir Mayakovski, Əlicabbar Orucəliyev və Çernyavski küçələri təmirə bağlanıb.
Bu barədə virtualaz.org saytına “Azəravtoyol” ASC-nin mətbuat xidmətindən məlumat verilib.
Aparılan təmir işləri zamanı küçələrin köhnə asfalt-beton örtüyü təzələnir və zəruri olan yerlərdə piyada səkiləri bərpa olunur, yeniləri tikilir, yeni səki daşları düzülür, yeraltı kommunikasiya xətlərinin dəmir-beton plitələri qaldırlaraq, baxış qapaqları yenilənir.
Bütün işlərin qısa müddət ərzində yekunlaşdırılması planlaşdırılır.
