Nadir şahın 2 milyon dəyərində qılıncı oğurlanıb
Dünən Dağıstanın “Kubaçi bədii kombinatı” Dövlət unitar müəssisəsi nəzdində yerləşən muzeydən 90-dan çox eksponat oğurlanıb.
Dağıstan Respublikası Daxili İşlər Nazirliyinin yaydığı məlumata görə, oğurlanan qədim əşyaların arasında dörd qədim qılınc da var. Hadisə yerində işləyən əməliyyat-istintaq qrupu əşyaların dəyərini müəyyənləşdirməkdədir.
Qarət olunan əşyalar arasında, həmçinin Nadir şahın (1736-1747-ci illərdə Azərbaycan və İran şahı) daması və qılıncı, üzərində Stalinin, Kirovun və Kremlin təsviri olan gümüş vazalar da olub. Ekspertlərin fikrincə, qara bazarda təkcə Nadir şahın qılıncının qiyməti 1-2 milyon dollardır.
Dağıstan DİN-in məlumatına görə, naməlum şəxslər muzeyə giriş qapısını qıraraq daxil olublar. Muzeydə siqnalizasiya və peşəkar mühafizə sistemi yoxdur.
Kubaçi muzeyindən əvvəllər 1990-1993-cü illərdə də oğurluq olub. İlk dəfə oğrular muzeyin damından içəri daxil olaraq, 9 qiymətli vaza apara aparıblar. Muzeydən ikinci oğurluq 1993-cü ilin fevralında baş verib. “Əsrin soyğunu” adlanan o qarət zamanı muzeyin təhlükəsizlik işçisi öldürülmüş və demək olar ki, bütün eksponatlar aparılmışdı. O zaman da oğurluq eksponatlar arasında Nadir şahın qılıncı vardı. Lakin bu oğurluq zamanı soyğunçular tezliklə tutularaq, muzeyin sərvəti geri qaytarılmışdı.
azadliq.info
24saat.org
Mənbə – azadliq.info