Suriyanın şərqindəki Deyr əz-Zor əyalətinin Elbukemal rayonunda şəxsiyyəti naməlum SİHA-lar İranın dəstəklədiyi əcnəbi terrorçu qrupların karvanına hava hücumu həyata keçirib.
AA müxbirinin səhra mənbələrindən aldığı məlumata görə, Deyr əz-Zorun şərqindəki Elbukemal qəsəbəsi yaxınlığında mənşəyi naməlum SİHA-lar İranın dəstəklədiyi xarici terrorçu qrupların logistika karvanına hücum edib.
İraqdan Suriyaya daxil olan və Elbukemal qəsəbəsinin Herri kəndində hədəf alınan konvoyda bağlı qutularla dolu ən az 4 TIR hücumların hədəfinə çevrilib.
Hücumla bağlı ölən və ya yaralananlar barədə məlumat yoxdur. Bundan əvvəl İsrail ordusu 2022-ci ilin noyabrında Suriya-İraq sərhəddində İranın silah karvanını hədəf aldığını açıqlamışdı.
Deyr əz-Zorun şərqindəki Elbukemal, Muhsan və əl-Məyadin bölgələrində İran və İranın dəstəklədiyi xarici terrorçu qrupların sıx şəkildə mövcud olduğu məlumdur.
Deyr əz-Zor vilayətinin mərkəzi və qərbi DEAŞ terror təşkilatının 2017-ci ilin noyabrında İranın dəstəklədiyi qruplaşmaların və Rusiyanın köməyi ilə geri çəkilməsindən sonra Əsəd rejiminin əlinə keçib.
Rejimin quru gücünə çevrilmiş İranın dəstəklədiyi xarici terrorçu qruplar ən çox Deyr əz-Zorda mövcuddur.
Sünni ərəblərin yaşadığı Deyr əz-Zorda yerləşən İran, İraq, Livan, Əfqan və Pakistan qruplarına İran İnqilab Keşikçiləri Ordusunun üzvləri komandanlıq edir. (AA)
Tərcümə“24 SAAT”