İngiltərədən sonra rəsmi səfər çərçivəsində İtaliyaya gələn NATO-nun baş katibi Yens Stoltenberq İtaliyanın yeni baş naziri Giorgia Meloni ilə görüşüb. Meloni və Stoltenberq görüşdən sonra birgə mətbuat konfransı keçirib. Melonini yeni vəzifəsi münasibətilə təbrik edən Stoltenberq “Sizinlə işləməyi səbirsizliklə gözləyirəm. “Mən həmçinin sizin NATO-ya, Şimali Amerika və Avropa arasında transatlantik ittifaqımıza olan güclü şəxsi öhdəliyinizi alqışlayıram”.
İtaliyanın NATO-nun qurucu üzvlərindən biri olduğunu xatırladan Stoltenberq, “Avropanın təhlükəsizliyi sual altındadır. Prezident Putin Ukraynaya qarşı amansız müharibə aparır. Amma biz Ukrayna Silahlı Qüvvələrinin Rusiya qüvvələrini necə dəf etdiyini, torpaqları necə azad etdiyini gördük. Bu qazanclar Ukraynanın igid əsgərlərinə məxsusdur”.
NATO müttəfiqlərinin verdiyi dəstəyin Ukraynanın tərəqqisi üçün həyati əhəmiyyət kəsb etdiyini vurğulayan Stoltenberq, “Rusiyanın Xersondan çəkilmə elanını nəzərə aldıq. Yaxın günlərdə yerdə vəziyyətin necə inkişaf edəcəyini görməliyik. Amma aydın olan odur ki, Rusiya ağır təzyiq altındadır. “Onlar Xersonu tərk etsələr, bu, Ukraynanın növbəti qələbəsi olacaq. (İHA)
Tərcümə“24 SAAT”
