Cümə günü NATO xarici işlər nazirləri Rusiyanın Ukraynaya təcavüzü ilə bağlı təcili iclas keçirəcək. Bu barədə “24 saat“ CNN-ə istinadən yazır.

Təfərrüatlar

Çərşənbə axşamı yayılan bəyanatda görüşün NATO-nun Brüsseldəki mənzil-qərargahında baş tutacağı bildirilir.

İclasa alyansın rəhbəri Yens Stoltenberq sədrlik edəcək.

Böyük Britaniyanın baş naziri Boris Conson çərşənbə axşamı NATO prezidenti Yens Stoltenberqlə Estoniyaya səfəri zamanı Ukrayna ölkə üzərində uçuşa qadağa zonası yaratmaq üçün NATO-dan istədiyi yardıma cavab olaraq deyib: “Qəbul etməliyik ki, bu istək, Rusiya təyyarələrinin vurulmasını tələb edir“.

Xatırlatma

Rusiya prezidenti Vladimir Putinin Ukraynaya qeyri-NATO hücumu əmrindən sonra NATO müttəfiqləri şərq cinahlarını gücləndirməyə tələsdilər.

NATO ilk dəfə olaraq Alyansın şərq üzvlərinə artıq Müttəfiqlər tərəfindən yerləşdirilən minlərlə əsgərə əlavə olaraq çevik qüvvələrini yerləşdirib.

Rusiya mülki hədəflərə aviazərbələr endirdiyi üçün Ukrayna ölkə üzərində uçuşa qadağa zonasının yaradılmasında kömək istəyib.

NATO bu ideyanı rədd edərək bildirib ki, bu, Alyansı Moskva ilə nüvə münaqişəsinə cəlb edə bilər.

“24 saat”