Dünya
Navalnıya 15 sutka
Moskva şəhərinin Tver Məhkəməsi Korrupsiya ilə Mübarizə Fondunun yaradıcısı, müxalifətçi Aleksey Navalnı haqqında 15 sutkalıq inzibati həbs qərarı çıxarıb.
Rusiya KİV-ləri xəbər verir ki, A. Navalnı martın 26-da Moskvada keçirilən etiraz aksiyası zamanı polis tərəfindən saxlanılarkən müqavimət göstərməkdə ittiham olunub. Bu qərardan əvvəl isə müxalifətçi-bloqqer 20 min rubl məbləğində cərimələnib. Navalnı baş nazir Dmitri Medvedyev barədə sensasion araşdırmanı yayıb və daha sonra rusiyalıları korrupsiyaya qarşı etirazlara çağırıb. Onun çağırışı əsasında dünən Rusiyanın şəhərlərində aksiyalar olub.(virtualaz.org)