Cəmiyyət
Naxçıvanda 21 yaşından gənc şəxs avtobus sürücüsü ola bilməz
Naxçıvan Muxtar Respublikasının Nazirlər Kabineti “Avtomobil nəqliyyatı ilə sərnişin və baqaj daşınması Qaydaları”nda dəyişikliklər edib.
Dəyişikliklərə əsasən, sərnişin daşıma ilə bağlı avtonəqliyyat vasitələrini idarə edən sürücülərin yaş həddi 19-dan 21-ə qaldırılıb, avtonəqliyyatı idarəetmə təcrübəsi isə bir ildən iki ilədək artırılıb.
Bundan başqa, taksi minik avtomobillərinin sürücülərinə etik davranış və avtomobil nəqliyyatı ilə sərnişindaşımalarını tənzimləyən normativ-hüquqi aktlara dair xüsusi hazırlıqların keçirilməsinin Naxçıvan Muxtar Respublikasının Nəqliyyat Nazirliyi tərəfindən aparılacağı müəyyən edilib.
