Neft qalxır
Aprelin 26-da dünya bazarında neftin qiyməti 2016-cı ildə maksimum həddə qalxıb.
Buna səbəb sənaye qrupunun ABŞ-da neft ehtiyatının azalmasını bəyan etməsi olub.
Bu Brend markalı və Qərbi Texas neftinin təxminən 3 faiz bahalaşmasına səbəb olub.
ABŞ-ın Neft İnstitutu ötən həftə ölkədə 1,1 milyon barel neft ehtiyatı olduğunu bəyan edib ki, analitiklər bunun 2,4 milyon barel olacağını gözləyirmişlər.
Bu məlumatdan sonra Brend markalı neftin bareli 1 dollar 26 sent bahalaşaraq 45 dollar 74 sent, hətta günün sonunda 46 dollar 49 sent olub.
ABŞ nefti isə 1 dollar 40 sent bahalaşaraq təxminən 44 dollar, günün sonunda isə 44 dollar 83 sent olub.
Dünya Bankı da 2016-cı il üçün proqnozunda neftin barelinin qiymətini 37 dollardan 41 dollara qaldırıb. Bank bildirir ki, bu nikbin proqnoza səbəb bazarda durumun yaxşılaşması və dolların zəifləməsidir.