“New York Times” qəzetinin işçiləri tətil elan edib
Yayımlandı: 9 Dekabr 2022 13:47
Əməkdaşlar müqaviləsiz işləmək istəmirlər və maaşlarının artmasını tələb edirlər
Amerikanın “Nyu York Tayms” qəzetinin əməkdaşları dekabrın 8-dən etibarən 24 saatlıq tətil elan ediblər.
Qəzetin həmkarlar ittifaqının üzvü olan 1100 əməkdaşı bu tətilə qoşulub. Bu qəzetin redaktorlarının bir gün boyunca xəbər hazırlamalarına və növbəti gün üçün qəzetlərin çap edilməsinə çətinlik yaradacaq.
“Onların belə kəskin tədbirlərə əl atması məyusedicidir”,- deyə “Tayms Co.” şirkətinin CEO-su Meredith Kopit Levien öz qeydində yazıb.
“Biz “Tayms” jurnalistlərinin əmək haqlarında əhəmiyyətli dərəcədə artımlar etmələrinə, bazarda üstünlüklər əldə etmələrinə və sərbəst iş rejimində çalışmalarına kömək edəcək müqavilələrin hazırlanmasını müzakirə etməyə açıq şəkildə istəkli olduğumuzu göstərdik”.
Qəzetin müxbirlərinin 2021-ci ilin mart ayından etibarən əmək müqaviləsi yoxdur. Qəzetin rəhbərliyi ilə “Tayms Guild” arasında, əsasən əmək haqqı ilə bağlı danışıqlar pozulub.
NPR yazır ki, qəzetdə işləyən jurnalistlər, eyni zamanda reklamçılar, mühafizəçilər və digər ittifaq üzvləri “The Tayms”-ın öz güclü maliyyə dövriyyəsi haqqında daha konkret məlumatlar paylaşmamasının səbəbini anlamır. Yalnız bir günlük tətil yaxınlaşdıqca, rəhbərlik güzəştə getmə prosesini sürətləndirdiyini əsas gətirir, ancaq işçilər danışıqlara davam etməyin onlara heç bir yararının olmadığını deyir.
Son dörd ildə “Nyu York Tayms Co.” şirkətinin səhmlərinin dəyəri iki dəfədən çox artıb. 2027-ci ilin sonunda qəzetin 15 milyon rəqəmsal abunəsi olması gözlənilir. Bu yaxınlarda qəzeti 550 milyon dollara “Athletic”i alıb və iddialı bir şəkildə səhmini artırmağa cəhd edib. Baş direktor Levien və naşir A. G. Sulzberger də daxil olmaqla yüksək səviyyəli menecerlər əhəmiyyətli ölçüdə gəlir əldə edib.
Hazırda 1800 işçisi olan xəbər agentliyi və onun rəhbərliyi arasında gərgin münasibətlər davam edir. Bu, həm də həmkarlar ittifaqları, yerli qəzetlər, yeni saytlar və ictimai yayımçılar kimi müxtəlif işçi qruplarına məhdudiyyətlərin artırılması fonunda baş verib.
Qəzetin üzvləri birləşdiklərini və qələbə əldə etməyə ümid etdiklərini bildirirlər.
“Mənim nöqteyi-nəzərimə görə, bu, tamamilə zəruri bir tətildir”, – deyə həmkərlar ittifaqı üzvü, “Nyu York Tayms “qəzeti üçün söz azadlığı məsələlərini işıqlandıran, illərdir müxbirlik edən Maykl Pauell bildirib – “Müqaviləsiz çalışmağın ikinci ilinə yaxınlaşırıq, yəni maaş artımı olmadan 2 ildir çalışırıq. Hər ay cibimizdən daha çox pul götürürlər”.
Qəzet əməkdaşları qeyd edir ki, onların son təklifi əhəmiyyətli bir maaş artımıdır.
Tayms sözçüsü Danielle Rhodes Ha yazılı açıqlamasında, “Biz hamımızın fəxr edə biləcəyi bir razılaşma əldə etmək üçün NYT NewsGuild ilə əməkdaşlığımıza sadiq qalacıq”,- deyib.
Tayms qəzetinin baş redaktorunun müavini Cliff Levy işçilərə yazdığı qeyddə tətilin “narahatedici” olduğunu etiraf edib.
“Lakin rəhbərlik inanır ki, biz hər iki tərəfin də məhsuldar danışıqlar aparıb yeni öhdəliklər götürərək müqavilə bağlamaq istiqamətində əhəmiyyətli irəliləyiş əldə edə bilərik”,- deyə rəhbərliyin danışıqlar aparmasına kömək edən Levi yazıb.
Media yazır ki, “Nyu York Tayms” tətili onilliklər ərzindəki ən uzun tətil olacaq.
“Tayms” və “NewsGuild”-in məlumatına görə, qəzetin bu cür işçilərin hərəkətləri ilə bağlı tarixçəsi məhduddur. Son on ildə jurnalistlər bir neçə dəfə nahar vaxtı tətil ediblər. 1981-ci ildə həmkarlar ittifaqı altı saat yarım davam edən tətil etdi. 1978-ci ildə bir qəzet bir gündən az davam edən tətil edib.
“Tayms” redaksiyasının təşəbbüsü ilə başlayan yeganə uzunmüddətli tətil 1965-ci ilin payızında baş verib. Bu, bir neçə həftə çəkib. Beləliklə, qəzet Parisdə yerləşən beynəlxalq nəşri məhdud sayda çap edə bilib.
