Niderlandın baş naziri Mark Ryutte Türkiyənin xarici işlər naziri Mövlud Çavuşoğlunun təyyarəsini ölkəyə buraxmaqdan imtina etməsi ilə əlaqədar hökumət adından üzr istəməyəcəyini bildirib.

“Report”un məlumatına görə, bu barədə “Wakker Nederland” telekanalı xəbər verib.

“Üzr istəməkdən söhbət gedə bilməz. Onlar dünən etdiklərinə görə üzr istəməlidirlər” – deyə baş nazir vurğulayıb.

Bununla yanaşı, Mark Ryutte iki ölkə arasındakı gərginliyi aradan qaldırmağa hazır olduğunu da qeyd edib. “Mən gərginliyin aradan qaldırılmasına hazırlaşıram, amma üzr istəməyəcəm”, – deyə o bir daha təkrar edib.

Bundan başqa, Ryutte əlavə edib ki, ona üzr istəməsi haqqında sual vermiş jurnalistlər ağıllarını itirir.

Saytların yığılması