Qadınlar etibarnəmə olmadan həyat yoldaşının avtomobilini idarə edə bilərlər. Bunun üçün gərək cütlüyün nikah şəhadətnaməsi olsun. Yəni yol polisinə sürücülük vəsiqəsi ilə yanaşı, nikah şəhadətnaməsini təqdim etmək kifayətdir.
24saat.org-un Xəzər TV-yə istinadən məlumatına əsasən, məsələ ilə bağlı Baş Dövlət Yol Polisi İdarəsinin şöbə rəisi Kamran Əliyev bildirib ki, qanunda belə bir qayda var.
Daşınan və daşınmaz əmlak ərlə arvadın birgə mülkiyyəti hesab edilir. Ona görə də qadın həyat yoldaşının avtomobilini onun icazəsi olmadan da idarə edə bilər.
