İqtisadiyyat
Norveç neft şirkəti Bakıda yeni emalatxana və ofis açdı
Norveçin neft servis şirkəti “Enhanced Drilling” Azərbaycanda yeni emalatxana və ofis açıb.
“Report” xəbər verir ki, bu barədə şirkət məlumat yayıb.
Yeni emalatxana Salyan şosesinin 22-ci km-də yerləşir və 2 355 kv. metr sahəni əhatə edir. Yeni emalatxana şirkətin Bakıda yerləşən köhnə emalatxanasından 3 dəfə böyükdür.
Qeyd edək ki, “Enhanced Drilling” şirkətinin baş ofisi Norveçdə yerləşir. Şirkətin Böyük Britaniya, ABŞ, Avstraliya, Azərbaycan, Malayziya və Kanadada təsisatları var.