Ötən ilin 19 May tarixində Bakının Binəqədi rayonu əhrazisində dəqiqələr ərzində bir bina alovlara təslim oldu. Hadisə şahidlərinin sözlərindən məlum oldu ki, binanın üz qabığının şiddətli alova bürünməsi üçün 2 dəqiqə kifayət edib. Məlumatlarda 15 nəfərin həyatını itirdiyi, 50 nəfərin isə xəsarət aldığı rəsmiləşib. 

Qulluq mənafeləri tələb etdiyi halda səlahiyyətlərindən istifadə etməmələri nəticəsində vətəndaşların, dövlətin hüquqlarına və qanunla qorunan mənafelərinə mühüm zərər vurmalarında kifayət qədər əsaslar olduğundan binaların üzlənməsində istifadə olunan “poliuretan” məmulatını istehsal edən “Qlobal Stone” MMC-nin baş direktoru Uğur Bəşirov, “Global Construction” MMC-nin sədr müavini Ələkbər Əsgərov, 2012-2013-cü illərdə Binəqədi rayon mənzil-kommunal təsərrüfat birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov, Binəqədi rayonu, 72 saylı mənzil-kommunal istismar sahəsinin rəisi Nizami Orucov və binanın poliuretan materialla üzlənməsi işlərinə nəzarət funksiyalarını həyata keçirməli olan, 2012-2013-cü illərdə Binəqədi rayon İcra Hakimiyyəti başçısının birinci müavini işləmiş Qəzənfər Novruzov Cinayət Məcəlləsinin 225.2-ci (ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə təqsirləndirilən şəxs qismində cəlb edilərək barələrində məhkəmənin qərarları ilə 4 ay müddətinə həbs qətimkan tədbiri seçilib.

Xatırladaq ki, həmin müddət bir neçə dəfə artırılıb.

Saytların yığılması

Amma maraqlıdır ki, istehsalçılar həbs olunsa da, sifarişçi və binanın təhlükəsizliyinə məsul olan şəxslər və məmurlar cəzasiz qalıb.

24saat.org

Saytların yığılması