Ötən həftənin əvvəlində baş verən 7,7 və 7,6 bal gücündə zəlzələlər təkcə Türkiyədə deyil, dünya tarixinin ən ağrılı fəlakətlərindən biri kimi qeydə alınıb. Dünyanın bir çox yerindən Türkiyəyə yardım qrupları göndərilib. Müxtəlif ölkələrdə zəlzələdən zərər çəkənlərə də yardım toplanıb. Kral Çarlz dünən Londonun Hounslow bölgəsində yardım hazırlayan türkləri də ziyarət edib.
Mövzu ilə bağlı Bukingem Sarayından verilən açıqlamada aşağıdakı ifadələr yer alıb:
“Əlahəzrət Türkiyənin Hounslow şəhərində təbii fəlakətlərdən zərər çəkmiş insanlar üçün ərzaq, ədyal və isti paltar toplayan, qablaşdıran və daşıyan könüllülərlə görüşdü.
“İcma mərkəzi Qərbi Londonda türk diasporu üçün mədəni və sosial tədbirlər təşkil edir və oradakı könüllülər indiyədək yorğan və qış geyimləri də daxil olmaqla 100-dən çox xeyriyyə paletinin toplanması prosesini əlaqələndiriblər”.
Mərkəzdəki könüllülər Kral Çarlza çay təklif ediblər.
Kral Çarlzın Suriya icmasının üzvlərinin toplaşa biləcəyi Trafalqar meydanında müvəqqəti Suriya icması çadırı olan Suriya Evi qurduğu bildirilir.
(DHA)
Tərcümə“24 SAAT”
