Onun səhhəti ilə bağlı iddialar artsa da, Putin ictimaiyyətin qarşısına o qədər də çıxmır. Pravoslav xristianların öz ənənəvi ayinlərində iştirak etməmələri də Putinə qarşı iddiaları gücləndirib. Bu arada Ukrayna lideri Zelenski maraqlı iddia ilə çıxış edib.
Davosda keçirilən Dünya İqtisadi Forumunda dünya liderlərinə müraciət edən Zelenski Rusiya prezidenti Vladimir Putinin hələ də sağ olub-olmaması ilə bağlı sual verib.
Zelenski Putinin öldüyünə işarə edərək deyib:
“Hazırda kiminlə danışacağımdan əmin deyiləm. Rusiya prezidentinin sağ olub-olmamasından əmin deyiləm, ya da qərarları o verir”.
Kreml Zelenskini təkzib etdi. Kremlin sözçüsü Dmitri Peskov Zelenskinin bəyanatına belə cavab verib:
“Aydındır ki, Rusiya və Putin Ukrayna və Zelenski üçün böyük problemdir. Həm də çox aydındır ki, Zelenski psixoloji olaraq nə Rusiyanın, nə də Putinin mövcud olmasını istəməzdi.”
Tərcümə“24 SAAT”