Bu gün yerli vaxtla saat 05:45-də Berlində otelin birinci mərtəbəsində yerləşən Aqua Dom adlı 16 metr uzunluğundakı nəhəng akvariumda partlayış baş verib. Nəticədə yaranan təzyiqlə təxminən 1 milyon litr su və akvariumdakı 1500 balıq otelin içərisindəki bəzi əşyalarla birlikdə küçəyə yayıldı. Berlin polisi iki nəfərin yüngül yaralandığı hadisədə niyyətə dair heç bir sübutun olmadığını bildirib.
Berlin Bələdiyyə Başçısı Franziska Giffey mətbuata verdiyi açıqlamada nəhəng akvariumun 1 saat gec partlaması halında ölüm hallarının ola biləcəyini bildirib və hadisəni sunami ilə müqayisə edib.
Hadisə yerində polis, yanğınsöndürənlər və təcili yardım briqadaları işləyir, mühəndislər isə otelin bütövlüyünü yoxlayırlar. Akvariumdakı tropik balıqların əksəriyyətini xilas etmək mümkün olmadığı bildirilib. (DHA)
Tərcümə“24 SAAT”
