Bizim tərcüməDünya

O, son bir neçə gündə sui-qəsd cəhdinə məruz qalmışdı! İmran Xanın çıxışlarına qadağa qoyulub

PEMRA-dan verilən açıqlamada, Xanın çıxışlarının və mətbuat konfranslarının bütün peyk kanallarında yayımlanmasının qadağan edildiyi bildirilib. Açıqlamada Xanın çıxışlarının dövlət qurumları tərəfindən sui-qəsd planlaşdırması kimi əsassız iddialarla böhtan atıldığı vurğulanıb və bu məzmunların nəşrinin ictimai asayişi poza biləcəyi və ictimaiyyət arasında nifrət yarada biləcəyinə diqqət çəkilib.

Bəyanatda İmran Xanın açıqlamalarının bir çox qanunları pozduğuna diqqət çəkilərək, qərara əməl etməyən televiziya kanallarının lisenziyalarının dayandırıla biləcəyi bildirilib.

Avqustun 21-də PEMRA “dövlət qurumlarını və məmurları hədələdiyini” əsas gətirərək Xanın çıxışlarının televiziyada canlı yayımlanmasını qadağan edib.

Pakistanda aprelin 10-da parlamentdə keçirilən etimadsızlıq səsverməsində İmran Xanın hökuməti 174 “yox” səsi ilə geriləyib.

Aprelin 11-də parlamentdə keçirilən seçkidə ölkədə üç müddət baş nazir olmuş Nəvaz Şərifin qardaşı Şahbaz Şərif 174 səslə mütləq əksəriyyətin dəstəyi ilə baş nazir seçilib.

Xan, koalisiya hökumətinin erkən seçkilər elan etmədiyini əsas gətirərək oktyabrın 28-də Lahordan İslamabada yürüşə başlayıb.

Noyabrın 3-də Vəzirabadda onun konvoyu atəşə tutularkən Xan hər iki ayağından yaralanıb. Silahlı hücumda Hanın ayağına 4 güllə dəyib. Hücum nəticəsində 1 nəfər ölüb, 13 nəfər yaralanıb.

PTI lideri Xan, dünən Lahorda müalicə aldığı xəstəxanada mətbuat mənsublarına verdiyi açıqlamada, Vəzirabada getməzdən bir gün əvvəl ona qarşı sui-qəsd planının olduğuna dair məlumat aldığını ifadə edərək, “Baş nazir Şahbaz Şərif, Daxili İşlər Naziri Rana Sanaullah və Xidmətlərarası Kəşfiyyat. Öyrəndim ki, (İŞİ) vitse-prezidenti general-mayor Faisal Nasirin bir planı var.” danışmışdı.

Han İslamabada yürüşə başladığı zaman bu insanların sıx iştirakını gördüyünü və bu səbəbdən öldürülmək istəndiyini bildirib.

Pakistan ordusundan verilən açıqlamada Xanın quruma qarşı bəyanatları “məsuliyyətsiz iddialar” kimi qiymətləndirilib və onlar qəti şəkildə pislənib. (AA)

Tərcümə“24 SAAT”

Gözdən qaçırmayın:  ABŞ-ın Milli Təhlükəsizlik müşaviri Jake Sullivan açıqladı! “Ukraynanı dəstəkləməkdə heç bir tərəddüd olmayacaq”

This site uses Akismet to reduce spam. Learn how your comment data is processed.

Back to top button