Now Reading:
“Ölkədə 1 milyon 900 mindən çox yeni iş yeri açılıb”

Artur Rəsizadə: “Son 14 il ərzində ÜDM 3,2 dəfə, sənaye istehsalında 2,6 dəfə, əhalinin adambaşına düşən gəliri 7,2 dəfə, əmək haqqı 6,8 dəfə artıb”

Milli Məclisin plenar iclasında Baş nazir Artur Rəsizadə Nazirlər Kabinetinin 2017-ci ildə fəaliyyəti haqqında hesabatı təqdim edib.

24saat.org xəbər verir ki, o, son 14 ildə ölkədə iqtisadi inkişaf olduğunu deyib.

“Bu dövr ərzində orta aylıq əmək haqqı 6,8 dəfə, banklardakı əmanətlər 30 dəfə artıb, ölkədə 1 milyon 900 mindən çox yeni iş yeri açılıb, orta ömür uzunluğu isə 72,4 ildən 75 ilə yüksəlib. Yoxsulluq səviyyəsi 44,7 faizdən 5,4 faizə enib. Ölkənin strateji valyuta ehtiyatları 26,6 dəfə artaraq 2017-ci ilin sonuna 42 milyard dollar təşkil edib. Son 14 il ərzində ÜDM 3,2 dəfə, sənaye istehsalında 2,6 dəfə, əhalinin adambaşına düşən gəliri 7,2 dəfə, əmək haqqı 6,8 dəfə artıb” – deyə Baş nazir bildirib.

“Təəsüf ki, Ermənistan-Azərbaycan münaqişəsində ciddi irəliləyişə nail olunmayıb. Buna səbəb Ermənistan tərəfinin qeyri-konstruktiv mövqeyi, münaqişəni uzatmağa çalışmasıdır. “Qarabağ problemi daim dövlət başçısının nəzarətindədir. Ali Baş Komandanın rəhbərliyi ilə ordumuz günbəgün güclənir. 2 aprel döyüşlərində erməni təxribatınnı qarşısının əzmlə alınması ordumuzun gücünün göstəricisidir”.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.