İnsan hüquqları üzrə müvəkkil Elmira Süleymanova daxili işlər naziri Ramil Usubova müraciət edib. O, bloger Mehman Hüseynovun şəxsiyyət vəsiqəsi ilə təmin olunması üçün zəruri addımların atılmasını xahiş edib. Bu barədə vəkil Elçin Sadıqov “Azadlıq” radiosuna bildirib.

Ombudsmanın məktubunda qeyd olunur ki, M.Hüseynovun şəxsiyyət vəsiqəsi 2012-ci ildə Səbayel Rayon Polis İdarəsi tərəfindən götürülüb. Bloger dəfələrlə müraciət etsə də onun şəxsiyyət vəsiqəsini geri verməyiblər.

Saytların yığılması

E.Süleymanova R.Usubovdan xahiş edib ki, blogerin şəxsiyyət vəsiqəsi ilə bağlı durum araşdırılsın və müvafiq tədbir görülsün.

Ombudsman Aparatı M. Hüseynovun sağlıq durumunun araşdırılması üçün də müvafiq addım atıb.

Aparat rəhbəri Aydın Səfixanlı Ədliyyə Nazirliyinin Tibb Baş İdarəsinə müvafiq məktub göndərib.

Məktubda M.Hüseynovun səhhətinin araşdırılması, müalicə, müayinə və əməliyyata ehtiyacının olub-olmamasının araşdırılması və Ombudsman Aparatına bilgi verilməsi xahiş olunur.

M.Hüseynovun 5 ilə yaxındır ki, şəxsiyyət vəsiqəsi yoxdur.

Blogerin sağlıq durumunda da problemlər var. Damarında əməliyyat olunmalıdır.

24saat.org

Mənbə – azadliq.info

Saytların yığılması