Onlar alpinistlərin axtarışlarını dayandırdılar
Quba rayonu ərazisində itkin düşmüş alpinistlərin axtarışlarında iştirak edən mənbədən Bizimyol.info saytına verilən məlumata görə axtarışda iştirak edən avstriyalı alpinistlər axtarışları dayandıraraq ölkələrinə dönüblər. Xatırladaq ki, bu mütəxəssislər Avstriyanın Daxili İşlər Nazirliyinin dağ-xilasetmə agentliyinin nümayəndələri idilər.
Dünən yayılan məlumata görə, axtarış işlərini y aparmaq üçün türkiyəli mütəxəssislər cəlb olunub. Məsələnin təfərrüatları ilə bağlı Fövqəladə Hallar Nazirliyi ilə əlaqə saxlamaq istəsək də ,nazirlik nümayəndəsi bu barədə öz saytlarında məlumat verildiyini bildirib, başqa məlumat vermək istəmədi.
FHN-nin saytında isə alpinistlərin xilasetmə işləri ilə bağlı ən son məlumat yanvarın 12-də gedib. Fövqəladə hallarla bağlı məlumat yayan bir sayt üçün heç də operativ fəaliyyət hesab edilə bilməz.
