Qədim Misir Krallığının (e.ə. 2686-218) tarixi paytaxtı olan Abidosda II Ramzesin tikdirdiyi məbəddə ABŞ və Misir arxeoloqları tərəfindən aparılan araşdırmalar zamanı yeni kəşflər edilib. Sohac bu gün.
Misir Turizm və Qədim Əsərlər Nazirliyindən verilən yazılı açıqlamada, qazıntılar nəticəsində Misirdə Ptolemeylər sülaləsinə (e.ə. 332-30) aid 2000-dən çox mumiyalanmış qoç başı tapıldığı bildirilib.
ABŞ arxeoloji qrupunun rəhbəri Samih İskəndər qeyd edib ki, belə böyük miqdarda mumiyalanmış qoç başları iki ehtimalı ortaya qoyur: “Onlardan nəzir kimi istifadə edilib və ya II Ramses onun ölümündən sonra min il ərzində təqdis olunmağa davam edib”.
Tapıntı ilə yanaşı, altıncı sülalədən (e.ə. 2345-1821) fərqli və unikal memarlıq dizaynına malik böyük bir bina və məbədi əhatə edən şimal divarının hissələri də üzə çıxarılıb.
Misir Qədim Əsərlər Ali Şurasının baş katibi Mustafa Vəziri kəşfin Abidosdakı II Ramses məbədinin tarixi ilə bağlı mühüm detalları ortaya çıxardığını vurğuladı.
Misirin Qədim Əsərlər Nazirliyi 2020-ci ildə bu məbəddə başqa heyvanların sümükləri və skeletlərinin tapıldığını açıqlayıb.
(AA)
Tərcümə“24 SAAT”