Pakistanın keçmiş baş naziri İmran Xanın karvanı minlərlə tərəfdarı ilə birlikdə paytaxt İslamabada doğru irəliləyərkən müxbir əzilərək öldürülüb.
Pəncabın Sadhoke şəhərində karvanı işıqlandıran Kanal 5-in müxbiri Sadaf Naeem Xanın olduğu avtobusun altında qalaraq öldü. Bildirilib ki, Naeem konvoyu izləyərkən konteynerin üzərinə yıxılıb və avtobusun altında qalıb.
Xan Naeem-in ailəsinə başsağlığı verərək, yürüşün Pəncabın Qucranvala rayonundakı Kamoke istiqamətində hərəkət etməli olduğunu, lakin qəzadan sonra yürüşün dayandırılacağını bildirib.
Pakistanın baş naziri Şahbaz Şərif isə “dinamik və çalışqan bir reportyor” olaraq xarakterizə etdiyi Naeem-in vəfatından kədərləndiyini bildirib və Naimin ailəsinə başsağlığı verib.
Xan və tərəfdarları oktyabrın 28-də Lahordan erkən seçkilərə çağıraraq paytaxt İslamabada yola düşüblər. Karvan səbəbiylə 260 kilometrlik yola çoxlu sayda təhlükəsizlik qüvvələri cəlb edilsə də, konvoyun noyabrın 4-də İslamabada çatacağı və oturaq aksiya keçirəcəyi gözlənilir.
Pakistanda aprelin 10-da Milli Assambleyada Xan və hökumətinə etimad səsverməsi keçirildi və onun hökuməti etimad səsi ala bilmədiyi üçün Xan tutduğu vəzifədən azad edildi. Aprelin 11-də Şahbaz Şərif baş nazir seçilib.
Oktyabrın 21-də Pakistanın Ali Seçki Komissiyası Xana xarici liderlərdən və nümayəndələrdən aldığı rəsmi hədiyyələri qanunsuz satdığına görə ona 5 illik siyasi qadağa qoyub.
Pakistanda seçkilər gələn ilin oktyabrına təyin edilib. (İHA)
Tərcümə“24 SAAT”
