Noyabrın 25-də ölkədə 82 min tondan çox pambıq toplanıb. Bu, bir il öncəkindən 2.5 dəfə çoxdur. Azərbaycan bu pambıqla valyuta qazanmaq niyyətindədir. Bəs ölkədə istehsal olunan pambıq dünya bazarına hansı formada çıxarılacaq?

Kənd Təsərrüfatı Nazirliyinin bitkiçilik şöbəsinin müdiri İmran Cümşüdov deyir ki, hazırda pambıq sahələrində yığım davam edir və onlar pambığı xammal şəklində yox, daha çox məhsul şəklində satmaq istəyirlər: «Əsas məqsədimiz odur ki, pambıq təkcə mahlıc kimi satışa çıxmasın, həm də mahlıcdan iplik, iplikdən də parça toxunsun. Dəyər zəncirini artırıb son məhsula qədər çatdırmaq əsas hədəfimizdir».

İmran Cümşüdov deyir, ola bilsin, bir hissəsi elə mahlıc kimi satılacaq, ancaq xammalın daha çox ölkədə dəyər qazanmasını istəyirlər.

Saytların yığılması

Azərbaycan istehsal olunan pambığı son məhsula çevirə biləcəkmi? AzadlıqRadiosu bu suala statistik rəqəmlərdə cavab axtarıb və ölkənin emal sənayesində toxuculuq və tekstilin yerini müəyyənləşdirməyə çalışıb.

RƏQƏMLƏR NƏ DEYİR

Statistika Komitəsinin məlumatına görə, emal sənayesi bütün sənayenin 24 faizini, toxuculuq isə emal sənayesinin ötən il 0.1 faizini, geyim istehsalı 0.2 faizini təşkil edib. Bu sektorun emal sənayesində payı əvvəlki illərdə də cüzi olub. Geyim istehsal edən müəssisələrin sayı 2010-cu illə müqayisədə təxminən 48 faiz azalaraq 50-yə düşüb.

Saytların yığılması