Dünya
Parisdə görüşəcəklər
Rusiyanın Xarici işlər naziri Sergei Lavrov iyunun 29-da Parisdə fransalı həmkarı Jean-Marc Ayrault ilə görüşəcək. Tərəflər Ukrayna, Suriya böhranlarını, Rusiya-AB münasibətlərini müzakirə edəcəklər.
Rusiya XİN-in sözçüsü Maria Zakharova deyib ki, nazirlər terrorçuluqla mübarizədə əməkdaşlıq məsələsindən də danışacaqlar.
Lavrov-la Ayrault-un Rusiya-Avropa Birliyi münasibətlərini, “Böyük Britaniya referendumunun mümkün nəticələrini” də müzakirə edəcəyi gözlənilir.
Ayrault və Fransanın digər liderləri Fransa-Rusiya münasibətlərini təkmilləşdirməyə ümidvar olduqlarını bildiriblər. Bu yaxınlarda Fransa Milli Assambleyası Rusiyaya qarşı AB sanksiyalarının yumşaldılmasına çağıran qətnamə qəbul edib.