SEÇMƏ
Pelosi Yerevana gedəcək
Yayımlandı: 16 Sentyabr 2022 16:59
O, Ermənistandan dəvət aldığını deyib
ABŞ Konqresinin Nümayəndələr Palatasının spikeri Nensi Pelosi Ermənistana gözlənilən səfərlə bağlı yayılan məlumatı təsdiqləyib.
Spikerin səfəri sentyabrın 17-də baş tutacaq.
Bu barədə N.Pelosi Berlində G7 ölkələrinin parlament rəhbərlərinin mətbuat konfransında deyib.
“Səyahət planlarım artıq açıqlanıb… Sabah Ermənistana gedəcəyəm”, – deyə spiker söyləyib.
Spiker əlavə edib ki, Ermənistandan dəvəti xeyli müddət əvvəl alıb.
Onunla birgə Nümayəndələr Palatasının Demokrat Partiyasının Kaliforniya ştatından üzvü Ceksi Spir də Yerevana gedəcək.
