İqtisadiyyat
“Peşəkar Mühasib” təliminə start verildi!
Azərbaycan Mühasiblər və Risk Peşəkarları Assosiasiyası (ARPA) “Peşəkar Mühasib” hazırlıq kursunun növbəti qrupunun təliminə start verdi.
Təlim “Peşəkar Mühasib Sertifikasiya” imtahanlarına hazırlığı özündə ehtiva edir və Dövlət İmtahan Mərkəzi (DİM) tərəfindən elan olunmuş Peşəkar Mühasib təlim kursunun imtahan proqramına əsasən keçirilir.
Qeyd edək ki, ARPA 2009-cu ildən fəaliyyət göstərir. Qurumun məqsədi ölkədə maliyyə və idarəetmə sahəsində, xüsusilə mühasibatlıq və risklərin idarə olunması istiqamətində peşəkar yanaşmaların tətbiqinə təkan vermək və bu yolla Azərbaycanda iqtisadiyyatın dayanıqlı inkişafına töhfə verməkdir.