Now Reading:
Polis tərəfindən saxlanan ictimai fəal Turan İbrahim sərbəst buraxılıb

Polis tərəfindən saxlanan ictimai fəal Turan İbrahim sərbəst buraxılıb

Fevralın 25-də saxlanılan ictimai fəal Turan İbrahim bir gün sonra, fevralın 26-da səhər saatlarında sərbəst buraxılıb.

Bu barədə Turan İbrahim özü Meydan TV-yə danışıb.

O, Nərimanov Rayon Polis İdarəsinin 17-ci bölməsində saxlanıldığını bildirib:

“Mənə heç bir təzyiq olmadı, səhər məhkəməyə aparılacağımı gözləyirdim, amma dedilər ki, sərbəstsən”.

T.İbrahimi fevralın 25-də “10 CC 010” dövlət nömrə nişanlı “Hyundai Genesis” avtomobilinə mindirib, aparıblar. Qardaşı Toğrul İbrahim onun hara aparıldığı haqda məlumatsız olduğunu deyib.

T. İbrahimin atası, AXCP Rəyasət Heyətinin üzvü Məmməd İbrahim 12 gün öncə, fevralın 13-də azadlığa buraxılıb. O, 2015-ci il sentyabrın 29-dan həbsdə idi. Üç nəfəri döyməkdə ittiham olunan Məmməd İbrahim Cinayət Məcəlləsinin 221.2.2 (iki və daha çox şəxsə xəsarət yetirməklə xuliqanlıq) maddəsi ilə 3 il azadlıqdan məhrum edilmişdi.

Maraqlı xəbərlər üçün  Az24saat.org saytının  FACEBOOK səhifəsini izləyin

Input your search keywords and press Enter.