Prezident İlham Əliyev uşaqpulu ilə bağlı tapşırıq verib - 24 saat xəbərlər
Now Reading:
Prezident İlham Əliyev uşaqpulu ilə bağlı tapşırıq verib
Full Article 1 minutes read

Prezident İlham Əliyev uşaqpulu ilə bağlı tapşırıq verib

3 yaşa qədər uşaqlara müavinətlərin verilməsi məsələsinə baxılacq

“Prezident İlham Əliyev tapşırıq verib ki, 3 yaşa qədər uşaqlara verilən müavinətin artırılması məsələsinə baxılsın”.

Bunu martın 12-də Milli Məclisin Əmək və sosial siyasət komitəsinin keçirdiyi iclasda komitə sədri Hadi Rəcəbli deyib.

O qeyd edib ki, bəzi hallarda bununla bağlı məsələlər mətbuatda fərqli təqdim olunur.

“Bu, düzgün deyil. Hamı bilməlidir ki, sosial məsələlər dövlətin diqqət mərkəzindədir”


Vüqar Bayramov: “Bu, uşaq pulunun mərhələli şəkildə bərpasıdır”

İqtisadçı Vüqar Bayramov deyir ki, 3 yaşınadək uşaqlara sosial müavinətin verilməsi uşaq pulunun mərhələli şəkildə bərpası kimi qiymətləndirilməlidir, müsbət addımdır:

“Bu addım uşaqların sosial müdafiəsi baxımdan çox vacibdir. Qeyd etmək istərdim ki, İqtisadi və Sosial İnkişaf Mərkəzi bir müddət öncə hökumətə uşaq pulunun bərpası ilə bağlı təkliflərini vermişdi. Biz bu təklifləri rasional və real imkanlar nəzərə alınmaqla hazırlamışdıq. Sevindirici haldır ki, artıq proses başlayır. Dünən təklifimiz sosial şəbəkədə təqdim olunandan sonra uşaq pulu məsələsində fərqli yanaşmaların şahidi olduq və əslində bunu normal da qarşılayırıq. Amma bu gün başqa reallığı müşahidə etdik: təkliflərimiz mərhələli şəkildə tətbiq olunacaq”.

Maraqlı xəbərlər üçün  Az24saat.org saytının  FACEBOOK səhifəsini izləyin

Input your search keywords and press Enter.