Azərbaycan Prezidenti İlham Əliyev, onun xanımı Mehriban Əliyeva və qızları Leyla Əliyeva dekabrın 6-da Quba rayonuna səfər ediblər.
AZƏRTAC-ın xəbərinə görə, prezident Quba Olimpiya İdman Kompleksində yenidənqurma, əsaslı təmir və tikinti işlərindən sonra yaradılan şəraitlə tanış olub, “Quba ABAD Factory” qablaşdırma vasitələrinin istehsalı müəssisəsinin açılışında iştirak edib. Bundan başqa, o, Quba-Qonaqkənd avtomobil yolunun açılışını edib.
Dövlət başçısı habelə, Birinci Nügədi kəndində inşa olunmuş 1 nömrəli tam orta məktəbdə, Qonaqkənd qəsəbəsində yeni tikilən Mədəniyyət Evində yaradılan şəraitlə tanış olub və Qonaqkənd qəsəbəsinin sakinləri ilə görüşüb.
Mənbə: AzadlıqRadiosu
“24 saat”