Prezident yol xəritəsi ilə bağlı sərəncam verib
Prezident İlham Əliyev bu gün, aprelin 11-də “Kənd təsərrüfatının inkişafı ilə bağlı əlavə tədbirlər haqqında” sərəncam imzalayıb.
Sərəncamın məqsədi kənd təsərrüfatı üzrə maliyyələşdirmə mexanizmlərinin təkmilləşdirilməsi, aqrar sığortanın inkişaf etdirilməsi və bu sahəyə investisiya qoyuluşlarının təşviqidir.
Sənəd “Azərbaycanda kənd təsərrüfatı məhsullarının istehsalına və emalına dair Strateji Yol Xəritəsi”nin icrasına xidmət edir. Sərəncama əsasən kənd təsərrüfatının maliyyələşdirilməsi ilə bağlı təfsilatlı və geniş tədbirlər planı hazırlanmalıdır.
Sərəncamla Maliyyə Sabitliyi Şurasına tapşırıqlar da verilib.
Bu ilin əvvəlində prezident iqtisadiyyatın ayrı-ayrı sahələrinə dair strateji yol xəritələrini təsdiq edib. Onlardan biri də “Azərbaycanda kənd təsərrüfatı məhsullarının istehsalına və emalına dair Strateji Yol Xəritəsi” idi.
Sənəddə ölkədə kənd təsərrüfatının inkişaf istiqamətlərindən bəhs edilir.
24saat.org
Mənbə – azadliq.org
