Prokurorluq hәbsdәki jurnalistin anasını xәstәxanalıq etdi
Jurnalistin anası istintaq idarəsindən xəstəxanaya aparıldı
“Kanal-13”internet televiziyasını rəhbəri, 1 iyinda haqqında 4 aylıq həbs-qətimkan tədbniri seçilən Əziz Orucovun anası Baş Prokurorluğun Ağır Cinayətlərə Dair İşlər üzrə İstintaq İdarəsinə aparılıb.
70 yaşlı qadın 3 saat idarədə dindirildikdən sonra vəziyyəti pisləşib və xəstəxanaya yerləşdirilib. Bu haqda Əziz Orucovun qardaşı Anar Orucov məlumat verib. Anarr Orucovun feysbuk qeydini təqdim edirik:
“Bü gün anam Almaz Həsənovanı Baş Prokurorluğun Ağır Cinayətlərə Dair İşlər üzrə İstintaq İdarəsinə aparılıb və orda 3 saatlıq dindirmədən sonra müstəntiqlər Ramiq Babayev və Orxan Babayev anamı təcili tibbi yardımla xəstəxanaya aparıblar və reanimasiyaya yerləşdiriblər. Anam 70 yaşındadır və insult keçirmiş xəstədir”.
Xatırladaq ki, hazırda Kürdəxanı Təcridxanasında saxlanılan Əziz Orucov barəsində Cinayət Məcəlləsinin 192-ci (qanunsuz sahibkarlıq və külli miqdarda gəlir əldə etmə) və 308-ci (vəzifə saxtakarlığı ağır nəticələrinə səbəb olması) maddəsi ilə cinayət işi açılıb.
24saat.org
Mənbə – azadliq.info
