Dünya

Putin ‘Pyotrun edə bilmədiyini’ etdiyini deyir

Rusiya prezidenti Vladimir Putin deyib ki, onun Ukraynada “xüsusi əməliyyat” adlandırdığı müharibə “uzun proses” ola bilər.

Bununla yanaşı o Rusiyanın Ukraynada bir sıra əraziləri ilhaq etməsini “nəzərəçarpacaq nəticə” adlandırıb.

Putin dekabrın 7-də prezident yanında insan haqları şurasının üzvləri qarşısında çıxış edib.

Hazırda bu şurada Kremlin siyasətini tamamilə dəstəkləyənlər çoxluq təşkil edirlər.

Putin görüş zamanı deyib:

“Nə gizlədim, Azov dənizi də Rusiya Federasiyasının daxili dənizi oldu”.

O xatırladıb ki, hələ çar I Pyotr Azov dənizinə çıxış üçün mübarizə aparırdı.

“Müharibə” sözünü işlədib

Putin ərazilərin ilhaq edilməsini xüsusi əməliyyatın məqsədlərindən biri olduğunu birbaşa deməyib.

Dünya ölkələrinin mütləq əksəriyyəti Ukraynanın dörd vilayətinin Rusiya tərəfindən ilhaqını tanımayıb.

Ukrayna isə bu ərazilərin işğaldan azad olunmasını davam etdirir.

Putin müharibədən danışarkən “xüsusi əməliyyat” ifadəsi ilə yanaşı “müharibə” sözünü də işlədib.

Amma o iddia edib ki, müharibəni 2014-cü ildə Ukraynanın hakimiyyəti başlayıb.

Rusiya ilə Qərb arasında qarşıdurma ilə bağlı nüvə müharibəsi təhlükəsi barədə suala cavab verərkən Putin bu təhlükənin artmaqda olduğunu deyib.

Əvvəlcə “dinc”, sonra “bütün vasitələrlə”

Rusiya prezidenti Moskvanın heç bir halda nüvə silahına birinci əl atmayacağına dair qarantiya verməkdən boyun qaçırıb:

“Əgər birinci əl atmasa, deməli ikinci də əl atmayacaq. Çünki bizim ərazimizə nüvə zərbəsinin endirilməsi imkanı məhduddur”.

Putin deyib ki, Rusiya hakimiyyətinin “başına hava gəlməyib” və “nüvə silahını ülgüc kimi ora-bura çəkməyəcək”.

Rusiya prezidenti deyib ki, “milli maraqları” əvvəlcə “dinc”, sonra isə “qalan bütün vasitələrlə” müdafiə edəcək.

Putin qeyd edib ki, səfərbərliyin “ikinci dalğasına” bugün ehtiyac yoxdur.

24 saat” “
Putin ‘Pyotrun edə bilmədiyini’ etdiyini deyir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Son dəqiqə: Rusiya lideri Putindən nüvə müharibəsi bəyanatı! “Təhlükə artır”

This site uses Akismet to reduce spam. Learn how your comment data is processed.

Back to top button