“Qoy, Qərb ölkələri Çaykovskisiz, Dostoyevskisiz, Tolstoysuz yaşasın. Amma biz alman bəstəkarları Baxdan, Bethovendən, yaxud da amerikalı yazıçı O.Henridən imtina etməyəcəyik”, – Putin bildirib.

2022-ci il fevralın 24-də Rusiya Ukrayanada hərbi əməliyyatlara başlayıb.

Bundan sonra ABŞ, Avropa İttifaqı, Böyük Britaniya, eləcə də bir sıra digər dövlətlər Rusiyaya qarşı sanksiyalar tətbiq edib.

Sanksiyalar mədəniyyətdən də yan keçməyib.

Milan-Bicocca Universitetində rus yazıçısı Fyodor Dostoyevski ilə bağlı mühazirənin ləğvinə cəhd, həmçinin İtaliyada yaşayan rus yazıçısı Nikolay Lilinə qarşı sosial şəbəkələrdə hücumlar olub.

Avropa Yayım Birliyi Rusiyanı “Eurovision-2022” beynəlxalq mahnı müsabiqəsindən kənarlaşdırıb.

Ötən il Rusiya nümayəndə heyəti Beynəlxalq Kann Film Festivalına buraxılmayıb.

Amerika kinostudiyaları da Ukraynadakı vəziyyətlə əlaqədar Rusiyada filmlərin yayımını ləğv edib.

Amerikanın Metropoliten-opera teatrı opera ifaçısı Anna Netrebkonu, “La Skala” opera teatrı isə Rusiya Xalq artisti, dirijor Valeri Gergiyevi səhnədən uzaqlaşdırıb.