Şimali Koreya mayın 19-da ötən həftəsonu törədilmiş qlobal kiberhücumlarla əlaqəsi olmadığını bildirib. Həmin hücumlara 150 ölkədə 200 mindən çox kompüter məruz qalmışdı.

Kompüterlər WannaCry virusuna yoluxdurmuş, istifadəçilərdən bitkoynla ödəniş tələb olunmuşdu.

Saytların yığılması

Bir neçə kibertəhlükəsizlik şirkəti bildirirdi ki, bu hücumlarda istifadə olunan kodlar nə vaxtsa Şimali Koreyayla əlaqələndirilən hücumlardakıyla eynidir.

Şimali Koreyanın BMT-dəki səfirinin köməkçisi Kim In-Ryong jurnalistlərə deyib ki, bu iddialar “gülüncdür” və onların arxasında Vaşinqtonla Seul durur.

Elə bəzi kompüter ekspertləri də sual edirdilər ki, Şimali Koreya iki yaxın strateji tərəfdaşı olan Çin və Rusiyaya niyə haker hücumu etməlidir.