Rusiya ilə Ukrayna arasındakı müharibədə kritik hadisələr bir-birinin ardınca baş verməkdə davam edir. Rusiya prezidenti Vladimir Putin üç ay əvvəl Ukraynadakı qüvvələrin rəhbərinə verdiyi adı dəyişib. Baş Qərargah rəisi Valeri Gerasimov Putinin “xüsusi hərbi əməliyyat” adlandırdığı müharibəyə rəhbərlik etmək qərarının gündəmini müəyyən etmişdi. Təyinat həm də Soledarda davam edən şiddətli toqquşmalarla birlikdə qiymətləndirilib. Həmin şəhərdə kritik inkişaf baş verdi. İndi insan Putinin müharibə ilə bağlı beynində hansı planların olduğunu düşünməyə başlayıb. Budur təfərrüatlar…
Rusiya Müdafiə Nazirliyi dünən Donetsk vilayətinin Soledar şəhərini tam nəzarətə götürdüklərini açıqlayıb. “Soledarın alınması gələcəkdə uğurlu hücum əməliyyatları həyata keçirmək üçün kritik addımdır”, – Rusiya Müdafiə Nazirliyi bildirib.
General Gerasimov Putinin qərarı ilə Sergey Surovikini əvəzləmişdi. General Surovikinin vəzifəyə başlamasından sonra üç ay ərzində Ukraynanın enerji infrastrukturuna hücumlar intensivləşib. Rusiya Müdafiə Nazirliyinin təyinatla bağlı verdiyi açıqlamada general Gerasimovun təyin edilməsinin “silahlı qüvvələr daxilindəki müxtəlif ünsürlərin daha mütəşəkkil və effektiv fəaliyyət göstərməsi üçün” edildiyi qeyd edilib. Bəzi ekspertlər kadr dəyişikliyini Surovikinin həddən artıq güc qazanmasının əlaməti hesab edirdilər.
Hərbi analitik Rob Li öz Twitter hesabında yazıb ki, “Surovikin çox güclənirdi və Putinlə danışarkən çox güman ki, Rusiyanın müdafiə naziri Sergey Şoyqu və Baş Qərargah rəisi Gerasimovu atladı”.
Ekspertlər Ukrayna qüvvələrinin başına gətirilən general Gerasimovla “Vaqner” qrupunun lideri Priqojin arasında yaxşı yola getmədiyini də vurğulayırlar.
Tərcümə“24 SAAT”
