Dünya
Qəzzafinin on milyonluq xəncəri İstanbulda tapıldı
Liviyanın keçmiş lideri Müəmmər Qəzzafinin xəncəri İstanbulda tapılıb.
Axar.az xəbər verir ki, ölkədə dövlət çevrilişi baş verdiyi vaxtlarda Qəzzafinin sarayından oğurlanan fil dişindən hazırlanmış, qızıl, zümrüd, brilyant, sapfir və yaqut daşlarla bəzənmiş xəncər 10 milyon dollara satılarkən ələ keçirilib. Xəncəri satmağa çalışan iş adamı və başqa iki nəfər polis nəzarətinə götürülüb.
Araşdırmalar zamanı məlum olub ki, bahalı xəncər səudiyyəli iş adamlarına satılacaqmış.
Adı açıqlanmayan mardinli iş adamı xəncəri liviyadakı müxalif qruplardan 4,6 milyon dollara aldığını deyib.
