İdman
“Qarabağ”-“Slovan” oyununun biletləri sabah satışa çıxarılacaq
Sentyabrın 15-də keçiriləcək UEFA Avropa Liqasının qrup mərhələsinin ilk matçında “Qarabağ” komandası Çexiyanın “Slovan” klubunu qəbul edəcək.
Ağdam klubunun rəsmi saytı xəbər verir ki, bu qarşılaşmanın biletləri sentyabrın 13-ü saat 11:00-dan etibarən Respublika stadionunun kassalarında satışda olacaq.
Biletlərin qiyməti nömrəli sektorlara görə 1, 10 və 20 AZN, VİP biletlər isə 50 AZN-dir.
Qeyd edək ki, “Qarabağ” – “Slovan” matçı sentyabrın 15-i saat 19:00-da “Dalğa Arena”da baş tutacaq. Virtualaz.org xatırladır ki, sözügedən arenanın azarkeş tutumu cəmi 6500 nəfərdir.
