Qırğızıstandakı seçkinin lideri: 'Bundan sonra belə bir rüsvayçılığa yol verməyəcəyik'
Yanvarın 10-da Qırğızıstanda keçirilən növbədənkənar prezident seçkisində Sadır Japarov liderdir.
Qırğızıstam Mərkəzi Seçki Komissiyasının (MSK) açıqlamasına görə, namizəd Sadir Japarov 79 faiz səslə öndədir.
Seçkinin lideri olan Sadır Japarov gələcək prezidentlik dövründə planlarından danışıb. AzadlıqRadiosunun Qırğız xidmətinin məlumatına görə, o çıxışında korrupsiyaya qarşı mübarizəyə toxunub və gələcəkdə bir daha belə rüsvayçılığa imkan verilməyəcəyini deyib.
“Son 30 ildə ölkəmizdəki korrupsiya həyatımızın demək olar ki, bütün sahələrində kök saldı. Bundan sonra belə bir rüsvayçılığa yol verməyəcəyik. Əvvəlki hakimiyyətlərin səhvlərini təkrarlamayacağıq. Bütün işlər açıq və şəffaf şəkildə aparılacaq ” deyə o Bişkekdə keçirdiyi mətbuat konfransında bəyan edi
6,7 faiz səslə ikinci yerdə qərarlaşan namizəd Adaxan Madumarov seçkinin ilkin nəticələri ilə bağlı MSK-nın açıqladığı rəqəmləri “reallıqdan uzaq” adlandırıb və “qanuna görə mübarizə” aparacağını bəyan edib.
Yanvarın 10-da Qırğızıstanda növbədənkənar prezident seçkisi keirilib. Bu seçkidə 17 namizəd iştirak edib.
Prezident seçkiləri ilə eyni vaxtda respublikada idarəçilik forması üzrə referendum da keçirilib. MSK-nın məlumatına görə, seçicilərin çox hissəsi prezident idarəçiliyinə f səs verib.
24saat.org
Mənbə – azadliq.org
