“Qiymətlər 50 dollardan yuxarı qalarsa ABŞ-da xam neft istehsalı artacaq”
ABŞ Enerji İnformasiya İdarəsi (EIA) tərəfindən neft qiymətlərinin 50 dolların üzərində qalması vəziyyətdə ABŞ-da xam neft hasilatının artacağı bildirilib. Bu da neft qiymətlərinin qalxmasına mane ola bilər.
EIA-nın “Enerji Mənzərəsi Hesabatında” Neft İxrac Edən Ölkələr Təşkilatının (OPEK) hasilatın azaldılması qərarının gələcək aylarda da xam neftin qiymətlərini 50 dolların üzərində saxlaması vəziyyətində, ABŞ-da şist nefti hasilatında gözlənildiyindən daha sürətlə artım olacağı qeyd olunub.
Qlobal bazarlarda neftin barrel qiymətinin 50 dollar səviyyəsinə çatması ilə ABŞ-dakı bəzi neft şirkətlərinin investisiyalarını artırdığı qeyd edilən hesabatda, “Qiymətlərin 50 dolların üzərində qalması, ABŞ-da nefti çıxaran regionlarda hasilatın yüksəlməsinə kömək edəcəkdir” ifadəsi istifadə edilib.
azadliq.info