SEÇMƏ

Qusarda oteldə yanğın olub, 4 nəfər həyatını itirib

Yayımlandı: 22 Yanvar 2023 14:46

Daha 6 nəfər xəsarət alıb

Yanvarın 22-də saat 4 radələrində Qusar rayonunda yerləşən “Park Qusar” hoteldə yanğın baş verib. Yanğın nəticəsində 4 nəfər həyatını itirib. Bu barədə Meydan TV-yə Qusar Rayon Prokurorluğundan məlumat verilib.

Prokurorluğun məlumatında bildirilir ki, ilkin ehtimala əsasən, yanğın istirahət mərkəzində yerləşən kotecdəki odun sobasının (kamin) nəzarətsiz qalması səbəbindən baş verib.

Yanğın nəticəsində həlak olanların kimliyi də məlumdur. Bunlar 1969-cu il təvəllüdlü Emin Babayev, 1981-ci təvəllüdlü Zülfiyyə Babayeva, 2005-ci il təvəllüdlü Rauf Babayev və 1973-cü il təvəllüdlü Rüstəm Dadaşdur.

Babayevlərin bir ailənin üç üzvü olduğu bildirilir.

Həmçinin, yanğın zamanı 6 nəfər – 1952-ci il təvəllüdlü Larisa Repina, 1950-ci il təvəllüdlü Olqa Dadaşova, 1978-ci il təvəllüdlü Natalya Dadaşova, 1980-ci il təvəllüdlü  Denis Repin, 2009-cu il təvəllüdlü Emil Dadaşov və 2016-cı il təvəllüdlü Kamilla Dadaşova xəsarət alıb.

Xəsarət alanlar Qusar Rayon Mərkəzi Xəstəxanasına yerləşdirilib. Hazırda onların vəziyyətinin stabil olduğu bildirilir.

Faktla bağlı Qusar Rayon Prokurorluğunda araşdırma aparılır.

Meydan TV

Gözdən qaçırmayın:  Bəxtiyar Hacıyevin həbs müddəti uzadılıb

This site uses Akismet to reduce spam. Learn how your comment data is processed.

Back to top button