Ramiz Mehdiyevlə görüşdə Azərbaycan bayrağına hörmətsizlik – FOTOLAR
Ramiz Mehdiyev-Ramzan Kadırov görüşündə Azərbaycan bayrağı niyə yoxdur?
Xəbər verdiyimiz kimi, Azərbaycan Prezident Administrasiyasının rəhbəri Ramiz Mehdiyev Qroznıda Çeçenistan prezidenti Ramzan Kadırovla təkbətək görüş keçirib.
Görüş zamanı R.Kadırova silah hədiyyə edən R.Mehdiyev, onu ölkə başçısı İlham Əliyev adından Azərbaycana dəvət edib.
24saat.org xəbər verir ki, görüş əsnasında diqqət çəkən ən başlıca məqam isə görüş otağında yalnız Rusiya və Çeçenistan bayraqlarının qoyulması olub. Daha dəqiq desək, R.Kadırovun arxasında Çeçenistan, R.Mehdiyevin arxasında isə Rusiya bayrağı qoyulub.
Rəsmi qəbul zamanı Azərbaycan bayrağının nə üçün görüş otağına qoyulamaması və R.Mehdiyevin buna hansı səbəbdən etiraz etməməsi məlum deyil. Hələlik məlum olan yeganə gerçək R.Mehdiyevin Azərbaycanı və prezident İlham Əliyevi Azərbaycan bayrağı olmadan təmsil etməsi həqiqətidir.