Siyasət
ReAL partiyasının daha bir üzvü həbs edilib
Partiya fəalı 30 sutkalıq azadlıqdan məhrum edilib
Nəsimi Rayon Məhkəməsi mayın 30-da ReAL partiyasının üzvü Nəriman Mücahid İsmayıl haqda inzibati hökm çıxarıb.
O, İnzibati Xətalar Məcəlləsinin 535-ci maddəsi ilə ittiham olunaraq 30 sutka azadlıqdan məhrum edilib.
Bu barədə ReAL-dan Meydan TV-yə deyiblər.
İttihama görə, polis Nəriman Mücahid İsmayıla yerə niyə zibil atmasını sual edib və o, buna müqavimət göstərib.
Mayın 29-da ReAL İdarə Heyətinin üzvü Azər Qasımlı 30 sutka, bugün isə Elmin Həmzə 25 sutka azadlıqdan məhrum ediliblər.
Digər ReAL üzvü Ərəstun Əlizadə isə hazırda Yasamal Rayon Məhkəməsindədir.
ReAL üzvləri həbslərin səbəbini mayın 28-də Azərbaycan Xalq Cümhuriyyətinin 100 illik yubileyi ilə bağlı Bakının mərkəzində tədbirlə əlaqələndirirlər.
