Gündəm
Referendumda “exit-poll” keçirəcək təşkilatlar qeydə alındı
Sentyabrın 26-na təyin olunmuş Azərbaycan Konstitusiyasına əlavə və dəyişikliklərlə bağlı referendumda “exit-poll” keçirmək üçün müraciət edən təşkilatlar qeydə alınıblar.
24saat.org saytının məlumatına görə, bu, Mərkəzi Seçki Komissiyasının (MSK) sentyabrın 7-də keçirilən iclasında baş verib.
İclasda bildirilib ki, Vətəndaşların Əmək Hüquqlarının Müdafiəsi Liqası, “Vətəndaş Cəmiyyəti Uğrunda” Müstəqil Məsləhət və Yardım Mərkəzi və ELS Müstəqil Araşdırmalar Mərkəzi “exit-poll” keçirmək üçün MSK tərəfindən qeydə alınıb.
“Exit-poll” keçirmək üçün müraciət edən Rəy Monitorinq Mərkəzinin qeydə alınması məsələsinə isə MSK-nın növbəti iclasında baxılacaq.
