“Reina” terrorçusu polisləri belə aldatdı – YENİ DETALLAR
Yeni il gecəsi İstanbuldakı “Reina” gecə klubuna silahlı hücum edən terrorçu ilə bağlı yeni məlumatlar ortaya çıxıb.
Publika.az Türkiyə mediasına istinadən xəbər verir ki, terrorçu paltarını dəyişdikdən sonra ilk qrupla çölə çıxıb.
Onun hücumdan sonra hadisə yerinə gələn xüsusi əməliyyat polislərini yanıltmaq üçün “mətbəxdə girovlar var” deyərək qaçdığı bildirilir.
Məlumata görə, terror aktında şəhid olan polis Burak Yıldızdan başqa 3 polis həmin gün gecə klubunda vəzifəli olub. Hücum zamanı həmin polislərin yaxınlıqda yerləşən avtoparkda çay içdikləri deyilir.
Terrorçunun içəridə olduğunu düşünən polislər “təslim ol” tələbi ilə əyləncə məkanına giriblər. Qarışıqlıqdan faydalanan terrorçu iki ayrı taksi dəyişdirərək hadisə yerindən qaçmağı bacarıb və gəldiyi Zeytinburnuna geri dönüb.
