Yayımlandı: 23 Fevral 2023 17:24

Arayik Arutyunyan Qurgen Nersisyana “dövlət naziri” olmağı təklif edib

Azərbaycanın ərazisindəki tanınmamış “Dağlıq Qarabağ”ın (erməni tərəf Artsax adlandırır) prezidenti Arayik Arutyunyanın fərmanı ilə Ruben Vardanyan “dövlət naziri” vəzifəsindən azad edilib.

Saytların yığılması

Arutyunyan sərəncamı bu gün “Artsax hökuməti”nin iclası zamanı elan edib.

Arutunyanın mesajında ​​işdən çıxarılmanın səbəbləri barədə heç nə qeyd olunmur, o yalnız bunları deyib:

 “Hamımızın və dövlətin müqavimətini bütün aspektlərdə tükəndirməmək üçün mən Ruben Vardanyanı dövlət naziri vəzifəsindən azad etmək qərarına gəldim”.

Arutyunyan Vardanyanı 4 ay əvvəl “dövlət naziri” vəzifəsinə təyin etdiyini xatırladaraq, o vaxtkı və indiki situasiyanın həm xarici, həm də daxili aspektlərdə çox fərqləndiyini vurğulayıb.

Arutyunyan Vardanyanın “Artsax haqqında beynəlxalq məlumatlılığın artırılması və blokada zamanı bir çox daxili problemlərin həllində göstərdiyi səyləri” yüksək qiymətləndirib.

Arayik Arutyunyan “dövlət naziri” vəzifəsini hazırda “baş prokuror” olan Qurgen Nersisyana təklif edib.