Türkiyəyə müxalifliyi ilə tanınan Rusiya parlamentinin üzvü Semyon Bağdasarov yaralarını sağaltmaq üçün dünyanın hər yerindən yardım alan Kahramanmaraşda baş verən zəlzələlərdən istifadə edərək, Türkiyə torpaqlarının Rusiyaya birləşdirilməsinə çağırıb. Erməni əsilli rusiyalı siyasətçi Ayasofya məscidi ilə bağlı da qalmaqallı təkliflə çıxış edib.
Türkiyənin zəlzələlərdən sonra çətin vəziyyətə düşdüyünü iddia edən Bağdasarov:
“Gəlin, bu vəziyyəti öz xeyrimizə çevirək. Onları Orta Asiyadan qovaq, Ukraynadakı təsirlərini bölüşdürək, Cənubi Qafqazdan qovaq. Gəlin Türkiyədə bir neçə qüvvə toplayıb tarixən bizim olan Konstantinopolu (İstanbul) geri alaq. Gəlin üzərinə xaç qoyaq”.
Zəlzələlərdən sonra yaranmış vəziyyəti bir fürsət kimi gördüyünü bir daha vurğulayan Bağdasarov bu vəziyyətdən istifadə etmələri ilə bağlı təklifini təkrarladı və dedi:
“Hal-hazırda böhran içindədirlər. Allaha şükürlər olsun ki, böhran içindədirlər. Bu böhran nəticəsində Türkiyə məhv edilməli, torpaqları bizə birləşdirilməlidir”.
Tərcümə“24 SAAT”
